جہلم سے خبر ہے کہ تھانہ کالا گجراں پولیس نے لاؤڈ اسپیکر کے غیر قانونی استعمال کے خلاف کارروائی کرتے ہوئے ایک ملزم کو گرفتار کر لیا۔ پولیس کے مطابق ملزم نے لاؤڈ اسپیکر کے غیر قانونی استعمال سے امن عامہ میں خلل ڈالا اور پنجاب ساؤنڈ سسٹم (ریگولیشن) ایکٹ 2015 کی خلاف ورزی کی، جس پر اس کے خلاف مقدمہ درج کر کے ساؤنڈ سسٹم برآمد کر لیا گیا۔ ڈی پی او جہلم شفیق احمد چوہدری نے کہا کہ شہریوں کی جان و مال کا تحفظ اور امن و امان کا قیام جہلم پولیس کی اولین ترجیح ہے اور قانون کی خلاف ورزی کرنے والے اور امن عامہ میں خلل ڈالنے والے عناصر کے خلاف بلا امتیاز قانونی کارروائی کی جائے گی۔
ماخذ: بی بی سی اردو ٹی وی، 4 نومبر 2026۔
