ریاض (الیون نیوز) سعودی عرب کی قیادت میں اتحاد نے کہا ہے کہ اس نے یمن کے حوثیوں کی جانب سے ریاض کی طرف داغے گئے دو بیلسٹک میزائل مار گرائے ہیں۔ سعودی پریس ایجنسی کے مطابق میزائل کے ٹکڑوں سے ریاض میں سعودی آرامکو کی انتظامی عمارت کو معمولی نقصان پہنچا تاہم کوئی زخمی نہیں ہوا۔ مشرقی علاقے کی طرف داغا گیا ایک اور میزائل بھی مار گرایا گیا۔ دوسری جانب ایران کی پاسداران انقلاب نے کہا ہے کہ آبنائے ہرمز میں تین تیل بردار بحری جہازوں میں آگ لگ گئی۔ امریکہ نے ایرانی بندرگاہوں پر بحری ناکہ بندی عائد کر رکھی ہے اور اس کی سینٹرل کمانڈ نے کہا ہے کہ اس کے طیارے نے خلیج عمان میں کارگو جہاز ایم وی ھدیٰ کو ناکارہ بنا دیا۔ متحدہ عرب امارات کے نیشنل گارڈ نے بحیرہ عمان میں آگ لگنے والے کارگو جہاز سے عملے کے 22 افراد کو بچا لیا ہے اور سب کی حالت مستحکم ہے۔
ماخذ: گلف نیوز
