ایران کا امریکہ کے خلاف بڑا حملہ: قطر اور عراق میں امریکی اڈوں کو میزائل حملوں کا نشانہ، خطہ شدید کشیدگی کا شکار
دوحہ / تہران / بغداد (بین الاقوامی ذرائع۔ الیون نیوز)
ایران اور امریکہ کے درمیان جاری تنازع میں خطرناک موڑ، ایران نے امریکی حملوں کے ردعمل میں قطر اور عراق میں قائم امریکی فوجی اڈوں پر میزائل حملے کر دیے۔ ایرانی حملے کا ہدف العدید ایئر بیس قطر اور عراق میں امریکی فوجی تنصیبات تھیں، جنہیں آپریشن ’’ابو عبداللہ‘‘ کا نام دیا گیا ہے۔ ایرانی ذرائع کے مطابق یہ کارروائی “فتح کی برکت” کا پیغام ہے۔
✅ ایران نے حملے سے پہلے قطر کو اطلاع دی
ایرانی حکام نے دعویٰ کیا ہے کہ قطر کو میزائل حملے سے پہلے پیشگی اطلاع دی گئی تاکہ جانی نقصان کو کم کیا جا سکے اور سفارتی رابطے کے دروازے کھلے رہیں۔ امریکی حکام نے بھی اس بات کی تصدیق کی ہے کہ العدید بیس پر حملے میں کسی امریکی فوجی کے زخمی یا ہلاک ہونے کی اطلاع نہیں ہے۔
تصاویر نے ظاہر کر دیا: امریکی طیارے پہلے ہی ہٹا لیے گئے
19 جون کو حاصل ہونے والی سیٹلائٹ تصاویر سے پتہ چلتا ہے کہ قطر میں امریکی ایئر بیس کے ٹارمک تقریباً خالی تھے۔ غیر محفوظ طیارے پہلے ہی وہاں سے منتقل کر دیے گئے تھے۔ امریکی دفاعی حکام نے کہا کہ یہ قدم مشرق وسطیٰ میں تناؤ بڑھنے کے بعد فوجی اثاثوں کو بچانے کی کوششوں کا حصہ تھا۔
⚓ بحرین سے امریکی بحری جہاز بھی غائب
ادھر بحرین میں امریکی بحری اڈے سے تمام امریکی جنگی جہاز گزشتہ ہفتے ہی روانہ کر دیے گئے، مگر ان کی نئی پوزیشن ابھی تک واضح نہیں کی گئی۔
ایران: میزائلوں کی تعداد امریکی حملے کے برابر
ایرانی قومی سلامتی کونسل کے مطابق العدید ایئر بیس پر فائر کیے گئے میزائلوں کی تعداد وہی تھی جو امریکہ نے ایرانی جوہری تنصیبات پر بمباری کے لیے استعمال کیے تھے، گویا یہ حملہ ’’برابر کا جواب‘‘ تھا۔
قطر کی شدید مذمت: اپنی خودمختاری کی خلاف ورزی قرار
قطری وزارت خارجہ کے ترجمان نے ایران کے میزائل حملے کو قطر کی خودمختاری اور فضائی حدود کی کھلی خلاف ورزی قرار دیتے ہوئے شدید الفاظ میں مذمت کی۔ ترجمان نے کہا:
> “قطر اس حملے کے خلاف اپنے ردعمل کا حق محفوظ رکھتا ہے، جو بین الاقوامی قوانین کے مطابق ہو گا۔”
ترجمان نے یہ بھی بتایا کہ قطری فضائی دفاعی نظام نے ایرانی میزائلوں کو کامیابی سے روک لیا اور حملے کو ناکام بنا دیا گیا۔
