استنبول (الیون نیوز) ترکیہ کے مغربی صوبے ازمیر کے قریب ایک اسٹیل فیکٹری میں دھماکے سے 17 مزدور جاں بحق اور تقریباً ایک درجن زخمی ہو گئے۔ دھماکا پیر کی دوپہر علی آغا میں واقع حباس اسٹیل فیکٹری میں ہوا جسے عینی شاہدین نے زلزلے جیسا قرار دیا۔ پولیس نے واقعے کے سلسلے میں چھ افراد کو گرفتار کر لیا ہے جبکہ صدر رجب طیب اردوان نے تحقیقات کا اعلان کرتے ہوئے کہا ہے کہ ذمہ داروں کا تعین کیا جائے گا۔ ازمیر کے گورنر سلیمان البان کے مطابق دھماکے کے وقت آٹھ مزدور پھنسے ہوئے تھے۔ مزدور تنظیموں نے فیکٹری کے حفاظتی ریکارڈ پر سوال اٹھائے ہیں۔ حباس ترکیہ کے بڑے اسٹیل تیار کنندگان میں سے ایک ہے۔
ماخذ: ڈان / خلیج ٹائمز، 10 نومبر 2026
0
