کراچی (الیون نیوز) وفاقی تحقیقاتی ادارے نے جعلی بینک چالانوں کے نیٹ ورک کے خلاف کارروائی کرتے ہوئے دو ملازمین کو گرفتار کر لیا ہے۔ ایف آئی اے کے کمرشل بینکنگ سرکل نے یونیورسٹی روڈ پر واقع الہلال سوسائٹی میں چھاپہ مارا، جہاں سے ملیر ڈیولپمنٹ اتھارٹی کے ڈائریکٹر لینڈ مینجمنٹ وقاص اور ڈسپیچ رائیڈر یمین کو گرفتار کیا گیا۔ ملزمان پر الزام ہے کہ وہ مختلف بینکوں کے نام کے جعلی چالان اور مہریں استعمال کر کے شہریوں سے رقم وصول کر رہے تھے۔ چھاپے کے دوران 2 کروڑ روپے نقد اور مختلف بینکوں کے نام کی مہریں برآمد ہوئیں۔ ایف آئی اے نے ملزمان کے خلاف مقدمہ درج کر کے تحقیقات شروع کر دی ہیں۔
ماخذ: ڈان، 12 نومبر 2026
